15ena Dictaia Occitana en mentonasc
O Centre Cultural Occitan País Nissart e Alpenc- Nissa Pantais an organizat a 15ena Dictaia Occitana en mentonasc, per u scolaros d’u collègios e licèu de Mentan, o lunerdí 10 de febraro a 10h damb u scolaros de 3rça dau collègio Maurois, a 12h damb u 5nte dau collègio Vento.
Aquela Dictaia s’es debanaia egalament dins 38 vila d’Occitània, coma a París, mas tanben a Barcelona que l’occitan i ese lenga cooficiala damb o catalan, o encara a Palma de Malhòrca e Valéncia.
A gratis, ese dedicaia a u scolaros, collegians e liceans d’u corses d’occitan alpenc (sonat tanben vivaroalpenc) d’u Stabilimentes scolaros de Mentan e L’Escarea e d’occitan nissart de Niça e La Trinitat qu’auràn una remesa de prèmis (libres e diplòmas).
Es un jueg concors dubèrt a totes e gratis. Rassegurètz vos, non es a còpia occitana d’a dictaia de Monsur Pivot !
O tèxt « Magalí de Mentan » de Pié ou Ghignou [Pier o Guinho] dictat per Laurenç Revèst, professor d’occitan vivaroalpenc mentonasc dintre aquelu stabilimentes ese trach d’a revista entierament en lenga d’Òc « Lou Ficanas » dau 23 dau mes d’a Madòna dau 1891, que pareissian de tèxtes en alpenc mentonasc e escareasc coma en provençal e niçard. Ne’n vaicí un estrach: « N’a ren da vé ni dame [Frederic] Mistral, ni dame Mireille ; acò san d’aoutre !… » [N’a ren d’a ver ni damb [Frederic] Mistral, ni damb Mirèio ; aquò san d’autre !].
Aquer tèxt permete a totes aquelu que conoissan un pauc a lenga de temptar de scríver-la, tote e grafie san acceptaie.
A tòca ese de motivar u scolaros, redonar un image positiu d’a lenga totjorn presenta dintre e vile e u vilatges dau païse mentonasc aüra.
Convivialitat e bona umor san a l’apontament, l’essencial ese de participar !
L’eveniment d’a Dictaia ese registrat per a ràdio www.nissapantai.com que poe scotar-se paríer despui o telefonet. A lenga nòstra ese ben modèrna tanben!
Contacte : tel 06 71 18 61 21
corriel : info@nissapantai.com
Ràdio www.nissapantai.com
Centre Cultural www.nissapantai.org
Cristòl Daurore, president e Odília Bertogliati-Owono, vici-presidenta de Nissa pantais
Centre Cultural Occitan País Nissart e Alpenc
Associacian lei dau 1901, declaraia o 1íer de julhet dau 1971 president fondator Alan Pelhon (1946-1994)
Laurenç Revèst & Bernat Fruchier, presidentes d’onor
